高鈞賢改正歸邪博上位

文質彬彬的港男高鈞賢（Matthew），入行六年來一直規行矩步，角色亦如其生活般公式化，及至最近的台慶劇《荃加福祿壽探案》及《法證先鋒III》，他才豁出去挑戰奸角，前者飾演感情騙子「鄔東」，將一屋媽姐騙財騙色；後者則做壞蛋，與警察鬥智鬥力。Matthew說：「我好鍾意做奸角，有得發揮演技。（現實中會否騙財騙色？）冇！畀人呃就有！以前喺加拿大做侍應，有個老外女同事介紹我入一間公司賣會籍，點知原來係層壓式推銷。」

誓死效忠

對於城巿電訊主席王維基被指以銀彈「挖空」無綫，Matthew揚言對公司忠心不二：「王生公司有打電話同我傾過，但我第一選擇都係TVB，因為多人睇，加上我仲有幾年約，真係冇乜興趣！」

面對小生紛紛北上或「出走」，正好造就「第二梯隊」上位，Matthew說：「我事業心重，地位當然希望愈高愈好！」他直言因入行時年少無知，錯失了不少機會，故現在不介意頻頻客串劇集增潤演技：「之前都有套內地劇搵我演『男二號』，但我想喺香港打穩根基先！」

文：阿彭

攝：林蔚恩

場地：Grand Central Bar & Grill

髮型：Patrick Chan

服裝：Kappa