吳雨霏躺鹿背考腰力
吳雨霏（Kary）日前為下周二（11月15日）推出的新專輯《我本人》拍攝封套，攝影師找來巨型道具鹿，並要求Kary站立及躺臥在鹿背上，穿着吊帶低胸露腰衫的Kary雖然有畏高症，但為了美好的效果仍頂硬上。
由於鹿身凹凸不平，Kary多次站立不穩跌落地，她拍拍心口說：「真係唔敢亂郁，又唔敢望地下，好彩攝影師快手快腳，如果唔係都唔知要驚幾耐。」Kary坦言最難擺的姿勢是躺在鹿背，她說：「攝影師要有啲玲瓏浮凸感覺，所以我瞓喺度都要拗腰，幸好平時有做開瑜伽，至少筋骨會鬆啲。」
由於Kary近日頻頻以性感打扮示人，問到是否轉行性感路線？她說：「我呢啲比起外國女歌手簡直係小兒科啦，我邊有咁好睇頭。」