陳嘉容內衣騷墊鬥格
向來予人高貴大方形象的名模陳嘉容，少有性感示人，更遑論行內衣或泳衣騷，不過日前擔任內衣騷評判的她大爆恨行這類騷，不過若要有玲瓏浮凸的效果，怕且要墊很多東西了。
名模陳嘉容日前為本地品牌的內衣騷擔任評判，場內的外國模特兒個個都樣靚身材正，而且內衣款式襯得她們身材玲瓏浮凸，頓時激發起她想行內衣騷的欲望：「其實入行時有接過泳衣騷，之後冇乜點做，啲人可能以為我唔接，如果啲客有眼光搵我，都可以嘗試吓，最緊要出嚟效果靚。」她直認行這類騷要有身材，怕到時自己要墊入很多東西才達至噴血效果。
而陳嘉容買內衣已達至瘋狂程度，特別適逢減價季節，她更會大量入貨絕不手軟：「我瞓覺啲衫都要靚，着完會覺得好開心，心情特別靚，之前我去泰國就掃咗廿幾三十套，全部都要買一Set過。」
只益未來丈夫
時下很多衣服都設計成刻意露Bra帶，若只買肉色Bra就較難襯衫，不過暫時她只可着給自己看，又大讚她的未來老公將可大飽眼福。近年轉型做主持及教授儀態打扮的她，表示很享受為其他人扮靚的滿足感：「咁多年我累積咗好多扮靚經驗，依家可以幫到其他人扮靚感到好開心。」
文：專案組
攝：吳文聰
髮型：Derrick@Queens private i salon
服裝：Law's season
鳴謝：BUBIES