Kelly爆古仔片場唔着褲

甄子丹、古仔、吳君如、Kelly及杜汶澤、劉子千、吳千語、楊幂等昨同拍電影《八星抱喜》，古仔的地盤工人造型頂着爆炸頭，對手Kelly更踢爆古仔開工第一天已經「冇衫着」：「第二日連褲都冇着。」她更笑言有驗證過古仔「真身」：「我搵支筆篤過佢啲肌肉，覺得佢都幾勤力！」古仔坦言拍攝時感到尷尬，他說會有一場穿泰山裝及參選港男的場口，問到選港男時會穿甚麼？古仔笑謂：「最多咪T-Back。」Kelly聽畢笑言屆時要拉大隊支持他。

賣樣兼賣身材

而君如解釋大騷三吋事業線皆因戲中角色賣樣兼賣身材，拍攝時把自己當成是周慧敏：「我一路同自己講我好斯文、有身材、好瘦。（學唔學到？）梗係學唔到啦，佢咁瘦，我搞咗成朝先搞成咁(o架)（事業線）！」

吳君如與「老公」杜汶澤合照。

君如大讚子丹演喜劇時完全豁出去。

子丹破格又狂野

君如又大讚飾演搖滾歌手的子丹夠「破格」，盡極狂野搞笑，而在旁的子丹即笑謂：「拍完之後叫古仔都要收斂啲！」君如又指戲中的印度舞令她吃不消，看足兩星期醫生，她又指子丹精力過人：「佢黐線(o架)，第一日排舞已經自己喺度轉。」

左起：杜汶澤、熊黛林、Kelly、古仔及甄子丹一齊開香檳。

黃百鳴帶同劉子千（左）、楊幂、吳千語（右）開工。

眾人又對許冠英日前逝世感可惜，曾與他結片緣的君如指阿英是好人及好演員：「佢係個好有自己character嘅人，永遠喺佢隔籬啲磁場會好開心。」

此外，子丹完成電影拍攝後，傍晚時分與太太汪詩詩拍拖看愛女在亮燈活動唱聖詩，十分溫馨。

文：影視組