扭無綫加人工 甘草「作反」
今年最佳男、女配角中，鮮有地多位甘草實力派演員獲提名。當中包括羅樂林、陳曼娜、程可為、張國強、馬海倫等。昨日他們上台時更分別向台下的高層樂易玲表示希望加人工，難怪司儀鄭裕玲笑言如申訴大會。
憑《九江十二坊》爭視后的江美儀寸嘴地說：「唔提名都唔知自己係女主角，有阿姐（汪明荃）欣賞已賺咗。樂小姐，我係女主角，人工可以調升吓。」張國強亦稱：「加人工之餘，都希望加多啲戲，唔好好似羅樂林咁套套要快死。」但陳曼娜則持相反意見：「最好每人有個獎，人工少啲唔緊要。」鄭裕玲即說：「你人工少啲可以啫！你係富婆，成日中六合彩。」
