黃榕胸部下垂 任搓變挺

身形瘦削的性感女星黃榕擁C cup上圍，但她仍嫌「唔夠使」，最近簽約做養生胸專門店代言人，接受人手推胸療程及敷中藥胸膜，短短幾星期已成功「升胸」要改戴D cup胸圍，她直言胸部更堅挺令自信大增，現任男友亦讚效果滿意。

乳癌疑雲

30歲的黃榕表示去年因一段乳癌疑雲，令她更重視胸部護理：「check到胸部有暗粒，嚇到我以為係乳癌，睇醫生先知係淋巴唔通順，而且我發現年紀大咗開始有下墮問題，我唔想變八字波！所以決定做啲美胸療程！」

黃榕敷中藥胸膜，短短幾星期已成功「升胸」。	黃榕接受人手推胸按摩，但她表示不感尷尬。	黃榕勤做美胸療程已見成效，男友亦大感滿意。

問到是否男友嫌她上圍未夠big爆？她表示對方未有嫌棄，但自己也想更豐滿迷人，而且明年將再影寫真，希望可進身巨胸級「峰」殺四方！

寸爆Jeana

對於「不倒胸」何佩瑜（Jeana）考慮隆胸，黃榕寸爆她小心「危樓倒塌」，認為自然美最緊要：「我覺得隆胸太危險！我唔想塞嘢入去，做美胸最緊要係冇副作用，所以都係按摩天然啲，希望由內靚到外！」問到人手推胸會否覺得尷尬？她說：「都OK，按摩師都係女仔，佢哋好用力，次次都捽到我紅晒，有少少痛但又好舒服，不過咁先幫到血液循環。」

文：影視組　

攝：劉智源