超雲為賭王賀壽度期頭痛

前晚香港時裝設計師協會舉辦「時裝‧視野」開幕典禮，並即場頒發「最佳時裝視野獎」，十位得獎名人明星包括何超雲、周慧敏、薛芷倫、何韻詩、杜鵑、梁漢文、何潤東、黃偉文、麥浚翹（麥浚龍胞兄）及黃宗澤，而黃宗澤因有工作在身先行離開，沒有影大合照。

其中何超雲一身性感金色谷胸裝帶病上陣，問到父親生日有何準備？她說：「有樣嘢好頭痛，原本我哋三姐弟籌備咗大半年，諗住同爹哋21日慶祝生日，過往幾年都係去珍寶海鮮舫，但今年為咗遷就啲澳門賓客改咗去四季。不過我前幾日睇報紙，先知原來二房家姐20日會幫爹哋搞派對，我驚連續兩日爸爸身體應付唔到，事後我有打畀佢問，但佢冇覆我，可能佢有少少忙啦，惟有慢慢等佢覆。」據悉四房就安排於賭王西曆正日（即25日）慶祝。

左起：十位得獎者包括何潤東、梁漢文、何超雲、薛芷倫、黃偉文、周慧敏、何韻詩、杜鵑、麥浚翹及黃宗澤。	黃宗澤	第一次攞獎的周慧敏，笑言最喜歡「慳妹」的造型。

未收到通知等回覆

超雲又強調賭王身體很好，只是她自己擔心而已，她續說：「佢畢竟都90歲，（爹哋知否走兩場？）日前有通知佢，佢不嬲都好雀躍呢啲嘢，好開心好多人同佢慶祝，（擔心家姐唔覆你？）唔會，佢忙啫，（20日幾房一齊慶祝仲開心？）唔知，未收到通知，（主動要求出席？）聯絡到家姐先。」前晚及昨日超雲即急不及待在微博上載得獎相片，其中有與賭王及母親，以及男友陳山聰合照。而三太陳婉珍前晚出席東華三院慈善晚宴時，表示賭王生日活動由兒女負責安排，自己則會送上驚喜禮物給他。

此外，首次得獎的周慧敏表示近日找來好友為自己擔任形象設計，而自己過往最喜歡的就是「慳妹」角色造型；她又表示平日也會替老公買恤衫，並笑說：「佢書卷味多啲，恤衫牛仔褲已經好好睇，太潮會撞佢氣質。」

文：名人組