謝天華P牌仔飛車爆破
謝天華去年重學電單車，現時仍掛着「P牌」上路，擅長舞技的他，眼見新一代「舞王」黎諾懿出現，故決定退位讓賢，自己就向高難度挑戰，為今年台慶作慈善電單車表演，項目包括穿玻璃和爆破，聽落都覺驚險。
天華昨日作首次練習，正當大家為天華擔心時，他即解釋早在廿多歲時已考獲電單車牌，只因當年跳舞搵食不能受傷，只好放棄揸電單車而改開私家車，直至去年再重新學電單車。
對拍檔有信心
難怪天華首日練習，即表現得有板有眼，他先進行兜圈再磨胎，熱身一輪，已增添信心。天華亦表示自己很快上手，雖然還掛着P牌，但他於操控方面亦純熟，且對公司幫他一齊練習的人員甚具信心：「最近陳美詩係出車禍，但佢哋係天雨路滑嘅意外，而我係表演，唔同嘅！公司會幫我買晒保險，我對一班陪我練習嘅專業人員好有信心！」
對於監製提議整個環節錄影，天華極力反對，堅持現場表演效果會更好。天華表示如今距台慶尚有半個多月，會爭取時間多些練習。
文：影視組