莫文蔚派喜糖惹大肚疑雲

剛「升呢」人妻的莫文蔚，昨日與陳奕迅（Eason）、鄧麗欣及方力申等，到屯門巿廣場宣傳由劉鎮偉執導的新片《東成西就2011》。婚後首度開工的Karen，向現場觀眾大派喜糖，並說：「導演以為我咁快有咗先派糖，哈哈！」問到榮升太太後感覺有否不同？Karen笑說：「感覺正啲！（掛住老公？）返咗嚟香港幾日，少少掛啦！」

喜糖	莫文蔚笑言幾日唔見老公，已經心掛掛。（資料圖片）	鄧麗欣及方力申拍拖宣傳新片。

想做「跟得夫人」

至於婚後會否學習做「煮婦」？Karen大讚老公才是一家之「煮」：「佢煮嘢好叻，所以我決定送爹哋本煲湯書畀佢，等佢學吓！」並指希望多抽時間做「跟得夫人」陪伴老公，以解兩地相思之苦。

談到拍攝趣事，Karen笑言曾遭鍾鎮濤施「髮」術笑爆嘴：「有次佢戴咗個八両金嘅假髮，嗰陣我啱啱做完盲腸炎手術，幾驚笑到爆線！」

Eason側側膊

Eason新歌《張氏情歌》MV因摷裙底而被轟意淫，昨日他即劃清界線：「係杜汶澤拍架，唔關我事！哈哈！」並直言看罷後熱血沸騰，Eason說：「其實都唔知依家社會嘅準則係咩，如果會喺電視播都考慮修剪。」

採訪：影視組