趙碩之：勸EDC睇精神科
趙碩之與薛凱琪（Fiona）分別被問及Edison（EDC）與16歲o靚模女友Cammi「EC戀」拍其親密慾照，更要求制服誘惑，其行為被指病態。趙碩之前晚談及此事時說，今次曝光之慾照跟上次是「小巫見大巫」，可會覺得Edison的拍照癮屬病態？她說：「我唔係慾照女主角，若果佢邀我拍慾照，會勸佢睇精神科醫生。」
而昨日出席活動的Fiona對Edison的行為是否病態說：「任何人都唔應該沉迷不道德嘅行為，係咪病態就要問醫生。（佢要睇？）唔知，除咗佢同佢親人先清楚情況。（覺得佢行為不道德？）我覺得應該尊重女性。」二人曾合拍廣告，既無交換電話Edison亦沒有要求Fiona當「模特兒」，她是否應自我檢討？Fiona說：「點解我要檢討？佢可能以為我係男仔！」
