鄧穎芝被封魔王 聞牛口水流
歌手鄧穎芝（Vangie）日前為節目錄音，自細愛食牛而被封為「牛魔王」的她，只要一提牛肉便立即「流晒口水」，她更分享她食日式燒肉加鹽吊味的秘訣。
Vangie日前聯同區文詩及電台DJ超B等齊齊衝出直播室，到一間日式料理店舖為節目《MADE IN HONG KONG》錄音，齊齊推介美食，你一言我一語，非常熱鬧。
Vangie當日不論是食日式火鍋還是日式燒肉，她都會先夾牛肉，細說之下，原來牛肉是Vangie的最愛，她小時更因此而得到「牛魔王」的綽號，她說：「我好鍾意食牛！可以話係無牛不歡，同埋我食牛好有要求，要望落去好靚同埋半肥瘦先食！細個嗰陣我仲因為太鍾意食牛，搞到屋企人個個都叫我牛魔王！依家成家人一齊食燒肉嗰陣，佢哋都會咁叫我！」
花費千幾食和牛
問到她最愛吃甚麼時，Vangie不假思索說：「梗係和牛啦！最貴嗰次淨係舊牛食咗成千幾蚊，雖然係就係貴啲，但真係入口即融，真係好好味！」雖然只是提起牛肉，但她已經雀躍萬分，看似「流晒口水」一樣！而對「食」一向有要求的她，原來食燒肉時亦有自己一套秘訣：「我食燒肉嗰陣鍾意落鹽，雖然啲肉本身已經醃咗味，但我鍾意食濃味嘢，所以燒嘅時候會加啲鹽，咁樣會特別好味o架！」
文：音樂組
攝：沈健程
場地：板石料理