路芙首選祖兒 最難做訪問
新城DJ路芙主持的節目《娛樂旗艦店》，最近加上新主持李國能（Terrence）齊齊拍住，問她為何拍檔經常「換人」？路芙笑言：「因為科林、瑪姬佢哋個個廢囉，我有得留低係因為我勁，哈哈哈。」
問到路芙和圈中不少藝人相識，可會在節目中爆勁料？她表示：「有啲料可以爆，但有啲就唔爆得，我唔會出賣朋友，爆之前會問吓佢爆唔爆得先出街。」至於她覺得和那位巨星做訪問最困難，她首推容祖兒，因她和祖兒實在太熟，一見面時多傾「無謂嘢」，她說：「有次祖兒上嚟，佢就猛講我頂帽，我話聽眾都睇唔到，唔好再講，但佢都係照講，激死。」
至於可曾遭藝人請食檸檬？路芙就說：「我見許穎（Phoebe）同何佩瑜（Jeana）成日罵戰，咪想請佢哋兩個嚟我個節目度一齊做訪問，但佢哋唔肯囉，明唔肯益我咋。」