麥貝夷鍾一憲即場示範攬腰

樂壇新人鍾一憲（Jason）及麥貝夷（Karene）因一曲《勾手指尾》吸納不少fans，情侶檔形象獲認同。早前他們到銅鑼灣與fans玩遊戲，要fans模仿兩人在MV中的甫士，但見多位參賽者都頗怕醜，Jason及Karene遂即場示範，感情要好的他們默契十足「話攬就攬」，但Karene笑言她原來也感尷尬：「雖然攬咗好多次，都仲覺得怕醜架！覺得只係男朋友先可以咁攬！我條腰又好敏感，有次唱K個女仔朋友係咁『唧』我條腰，嚇到我要衝出K房！」近月他們經常出雙入對，Karene直言試過夢見Jason，算是「超好友」的關係！