胡敏珊送溫暖牌 男友以為買
名模馬詩慧及「鐘錶界美女」胡敏珊等，昨日出席連卡佛與Club Monaco合辦的「Wrapped with Love愛心慈善行動」，由於活動邀請不少名人去親手織布，把布塊拼合來作慈善，胡敏珊自言花了三日親手編織，但卻只用了一秒來設計。胡敏珊說：「以前都有試過織溫暖牌畀男友，但對方唔信係我織，以為我係買返嚟！」她續說稍後會到四川做慈善，雖然工作忙得三星期冇返公司，但仍樂意抽空行善。
而馬詩慧笑言從未親手織過溫暖牌給子女，笑言溫暖牌在心中就可以。對於十六歲o靚模Cammi的親密照流出，她說：「某程度上久唔久有呢啲反面教材都好，有警剔作用。今次輯相冇乜嘢，大家諗多咗，但咁細個唔應該做呢啲嘢。（擔心兩個女？）佢哋話未拍拖，（你信？）一個家庭有信任先可以維持，拍拖講緣分，我都咁遲先拍拖啦！」