Lisa S.黃金48小時努力造人
型男吳彥祖與名模Lisa S.結婚後一直希望當父母，可惜因工作關係長期分開；前晚Lisa出席活動時就自爆整個十月只見過老公兩天，但兩人仍然爭取時間「造人」，未知可會一擊即中？
前晚Lisa S.為海灘清潔比賽頒獎典禮擔任司儀，她表示自己也曾參與海灘執垃圾活動，反而自己的家就很懶惰。而原本前晚夫婿吳彥祖都被邀出席，但最後卻因工作而未能現身。Lisa謂跟老公都十分繁忙，剛過去的十月夫婦二人只見過四十八小時，問到可有時間造人？她即笑說：「呢個係一個好好嘅問題，我哋都有傾過，等佢拍完戲，我又忙完個節目主持之後，大家要好好休息番幾個月，希望到時可以造人成功。（咁十月見嗰兩日有冇趁機造人？）哈哈，我哋都有盡力，希望成功啦，不過我見自己仲咁瘦應該機會不大。」
從不影密照
此外，談到陳冠希與十六歲o靚模撻着及親密照曝光一事，Lisa聞言即說：「我覺得好好笑，咁個o靚模依家應該好出名喇，個個都識佢。（你有冇影過？）我從來冇影過，就算結咗婚老公叫我影我都會拒絕，如果有時着制服為咗增加生活情趣就OK，但影相就一定唔會。」而同場的Rosemary就透露與男友時常分隔兩地，兩人正計劃聖誕去一次旅行溫馨一番！
文：名人組