趙增熹下廚雞手鴨腳

著名音樂人趙增熹日前出席公開活動，與食家紀曉華一齊下廚。來自潮州的阿熹向紀曉華請教整潮州粉果心得。阿熹雞手鴨腳，與《超級巨聲》當評審的他判若兩人。他說：「我真係好少下廚，頂多都係煮包麵食。不過煮食同做音樂好似，大家都要好鍾意嗰樣嘢，先可以投入去做出好嘅作品。」另外，阿熹透露明年計劃再開演唱會，力邀歌手好友一齊參與。