胡杏兒心水視帝難選澤

胡杏兒、苟芸慧於深水埗為劇集《怒火街頭Ⅱ》拍攝。杏兒今年憑《怒火街頭》、《萬凰之王》兩劇角逐視后寶座，更被視為大熱人選，氣勢力壓陳法拉。問若真的稱后，會希望以哪一套劇集取勝？她笑言：「唔知呀！有得拎就得啦！講笑啫！《萬凰之王》裏面嘅奸角都好有爭議性，因為都算係奸角，始終宮廷入面的角色都好人性化。而《怒火街頭》我都係最後一集先攞分，好難估計。唔諗得咁多，自己會平常心去睇，唔到自己諗。」

演奸角心情起伏大

問哪套付出較多？杏兒謂：「拍邊套劇唔辛苦呀！不過相對起嚟《萬凰之王》辛苦啲，因為性格起伏較大，但最緊要係收視好，觀眾鍾意，台前幕後都好用心打造呢套劇。」對於經常被外界拿來與法拉比較，她說：「唔覺，都好多謝網民支持，其實我已經好開心，拎獎係錦上添花。」

黃宗澤與鄭嘉穎被視為視帝大熱之選，杏兒不肯講出心水。（資料圖片）

兩女等埋位時不忘練習對白，態度認真。

記者笑杏兒與鄭嘉穎是螢幕情侶，Bosco則是她真實情人。問杏兒希望與誰一齊奪視帝視后？她甜笑謂：「咁都得？呢啲留番畀觀眾揀啦！（同Bosco有紀念性啲？）呢啲唔到我揀，要睇觀眾反應。」

杏兒見記者舉機不忘chok樣。

苟芸慧被指拍攝時獲鄭嘉穎獻殷勤，她坦言不好意思連累對方。

苟芸慧連累鄭嘉穎

另外，苟芸慧被指拍攝時遭鄭嘉穎獻殷勤，她坦言不好意思：「報道出咗我好sorry！無啦啦累咗佢，我依家只想專心工作。（男友羅天宇介意？）佢唔會介意，大家都係做呢行好明白。」

文：影視組