薛家燕隔空幫人感窩心
薛家燕、DJ阿Bob（林盛斌）與DJ黃思敏的新電台節目《開心家天下》，開播幾星期口碑大好，阿Bob說：「我哋節目有娛樂、有時事、有慈善、送大禮！（點慈善送大禮？）有個環節請聽眾捐啲屋企唔用嘅物品，再送畀有需要嘅聽眾！另外，都有好多贊助商贊助家電、補品，我哋啱啱送咗冬蟲草、燕窩出去！我哋個節目係本地電台史上首個有咁多嘢送嘅節目，十足《獎門人》咁！」
問家燕姐可有一些深刻的聽眾？她說：「有個老人家，一生都未瞓過一個舒服嘅枕頭，咁我哋就送咗林保怡捐嘅枕頭畀佢，佢話終於有覺好瞓！真係好窩心！」