何潤東踢爆張鈞甯Body墜手
台灣藝人何潤東（Peter）首與台灣女星張鈞甯結劇緣，他指伊人鏡頭前後兩個人，私下的鈞甯原來傻更更，個性率直；Peter還踢爆鈞甯身形雖看似瘦削，但當抱起對方時卻異常吃力，即使擁有健碩體態的他也不勝負荷。
何潤東（Peter）與張鈞甯繼早前一同探訪貧窮山區小朋友後，最近終首度結劇緣，於台灣偶像劇《真心請按兩次鈴》合演情侶，Peter透露從前眼中的鈞甯是名高材生，性格冰冷，但合作過後才知這是假象，笑指私下的她傻氣非常，為朋友可以兩肋插刀，屬難得一見個性真我的女星。
整傷腰骨
戲中兩人不乏親熱鏡頭，Peter不諱言以往與女演員試位均很客氣，只是借位了事，但今次與鈞甯連試位也很認真埋牙咀，由於雙方熟落，令拍攝時經常忍不住笑，Peter還踢爆鈞甯一些秘密：「唔好睇佢得40幾公斤，我成套劇抱佢兩次，腰骨都頂唔順要睇醫生，唔止我，有場戲講個護衞喺（車立）入面拉起佢，我只係托一托，拍之前我都叫人哋熱吓身先，因為唔係咁簡單，我都有問鈞甯點解咁墜手，佢就解釋唔到囉！所以佢比較尷尬，因為一個男仔都唔夠力抱起佢喎！」
屬知心友
問到二人會否戲假情真，Peter笑言現時雙方是知心友，經常保持聯繫：「我有信心同佢做一世朋友，不過緣分好難講，將來冇人知，（抽離唔到？）咁拍戲過程都有閃過幾秒愛上對方（擔心傳緋聞？）我唔會理，當幫套劇免費宣傳！」
文：影視組 攝：林楠