楊幂夥拍鋒雲夢想成真
內地女星楊幂於內地紅爆，不少電影公司想斟她演出，而英皇電影早前以七位數字簽楊幂兩部片約，其中一部更同兩影帝劉青雲、謝霆鋒合作，楊幂坦言自己夢想成真，但壓力也很大，心情又驚又喜！
憑電影《孤島驚魂》在內地紅爆的女星楊幂，近期成了不少電影公司爭奪目標，最近，英皇電影成功以七位數字簽下楊幂兩部電影片約，除了搵導演為她度身訂造一部愛情電影之外，楊幂更於英皇有份投資新片《消失的子彈》（暫名）中，跟兩位影帝劉青雲、謝霆鋒合作，對一位新冒起的演員來說，機會相當難得！
狂煲碟
《消》片投資額高達1,200萬美元（近億港元），由爾冬陞監製、羅志良執導，屬懸疑偵探動作電影，戲中，楊幂與霆鋒飾演一對情侶，楊幂對自己首度跟兩大影帝合作，感覺夢想成真之餘，卻又戰戰兢兢，楊幂表示：「當知道跟他們合作的時候，我既興奮又緊張，隔天我會去買他們的電影作品一邊看一邊演，吸收演技之餘又可增加大家的話題。」
初鬥戲
戲中飾演神探的青雲，坦言對這角色感覺似曾相識：「我之前演過《神探》，好似好精神錯亂咁。今次就真係要跟住線索抽絲剝繭，但係中間發生嘅事真係懸疑到你由入場諗到散場呀！」
霆鋒對首次跟劉青雲合作，感到十分興奮，並表示：「我演過不少警察角色，但最令我深刻嘅係青雲喺《暗戰》飾演嘅警察角色，希望今次從他身上可看到他對警察角色嘅全新演繹！」電影除了有霆鋒、青雲及楊幂外，鄭希怡、吳剛及廖啟智都會有份演出。文：影視組