趙彤寸Edison管好下半身
陳冠希（Edison）偷嗒16歲學生o靚模謝芷蕙（Cammi），多張慾照咀相網上瘋傳。事件被本報踢爆後，眾女星紛紛圍插Edison，模界代表周秀娜（Chrissie）及莊思敏揚言對他零興趣，盧頌之寸爆他鹹濕，台灣模特兒趙彤更在微博寸Edison管好下半身。
有鋪影相癮的Edison，與16歲學生o靚模Cammi的咀相日前流出後，男方急發聲明與女方劃清界線並即飛她，此事觸動不少女性的神經，Edison淪為女人公敵！
莊思敏：唔會睬佢
台灣女模又是沈志明緋聞女友趙彤亦在微博寸Edison用「下半身思考」，她寫道：「社會上某些男人只用下半身思考，請你們抱怨被利用前，先反省自己是否先甘後苦及管好自己的下半身！」同屬模界中人的Chrissie，前晚出席頒獎禮時直斥Edison是「龍友愛好者」：「如果佢咁鍾意影，我公司有個攝影團，不過唔係校服嘅，唔知佢啱唔啱囉！」
而出席另一活動的莊思敏，被問到有否接獲Edison的攝影「邀請」？她說：「佢send SMS嚟都唔睬佢啦！」並寄語對方「小心女人」：「色字頭上一把刀，依家啲o靚模好勁，為咗一單新聞連性感同感情都可以出賣。」
盧頌之：可能犯法
另一邊廂，同是o靚模的盧頌之亦不值Edison所為：「男人大多數都鹹濕嘅，Cammi咁卜卜脆，Edison同佢一齊可能犯法架！」並自爆會與男友拍床照，但會加設密碼防外洩。
此外，面對兒子再爆桃色醜聞，Edison父親陳澤民昨日接受電話訪問時僅說：「冇嘢講，唔該。」
文：影視組