孫耀威接走美詩同無綫搏命
孫耀威（Eric）女友陳美詩（Macy）上月底在無綫安排下，跟朱慧敏到日本沖繩拍旅遊特輯，兩女日前在當地發生車禍，幸吉人天相僅受輕傷。身為環球唱片歌手的Eric心痛女友飽受驚嚇，無懼四大唱片與無綫破冰在望，冒着有秋後算帳之危，搏命連珠發炮狂轟無綫有人處理失當。
Macy與朱慧敏在日本出意外後，男友Eric憂心女友傷勢，更對無綫此行安排極度不滿，即第一時間在微博鬧爆無綫。身為四大唱片歌手的他，更無視雙方破冰在望，兩日來連珠發炮無綫中人處事失當。問可擔心遭無綫封殺或秋後算帳？Eric昨晚透過短訊回覆本報：「我並不是怪罪無綫，只是某些人的疏忽、冷漠，而釀成意外令我覺得難過而已。」他強調不欲再談。
陳美詩後頸骨移位
前晚Macy及朱慧敏由日本返港甫落機後，隨即在無綫高層樂易玲、曾醒明陪同下往九龍法國醫院檢查。本來兩人要留院一晚觀察，但深夜十二時，Eric突然現身接女友出院。戴上黑超的他先安頓Macy登上保母車，之後接受傳媒簡短訪問。Eric透露Macy檢查後頸骨有少少移位，需做物理治療，醫生寫了幾星期假紙給女友休息。他說：「醫生係要佢留院，但佢想返屋企，只要小心唔郁到就得。（你陪佢？）佢爹哋媽咪等緊佢。」他又指沒跟樂易玲或無綫聯絡。對於女友在日本發生撞車意外，他說：「好多嘢我唔方便講，正如我喺微博所講，呢件事佢哋點安排，佢哋好清楚，邊個對號入座，覺得我係講佢，就係嗰個衰人。」
Eric重申Macy事前已表明自己不識揸車，雖然她有車牌，但屬嚴重「生銹」：「每日同佢通電話我就問點解要揸！」他形容Macy當日駕駛像《頭文字D》的山路，早已預計會發生意外。他說：「即使今日返嚟，內情係咪咁樣？根本冇人care過！因為可能我嘈過，先至有一連串咁大咁鋪張做法！如果係要咁樣，咁我咪出嚟講，我又唔係呢間公司！我唔係對呢間公司有意見，係某啲人做法我唔認同，藝人要尊重，之後先做番咁多嘢補鑊，都唔係辦法。」
找高層才正視問題
護女友心切Eric覺得再這樣下去，香港的娛樂圈會無得救。他直斥今次事件乃一些人的過失，與無綫無關。他說：「係關於某啲人、或者節目上、經理人溝通上各樣嘅問題。」Eric說完後，與陳美詩同車直駛女方長沙灣寓所。昨晚Eric再以電話接受now訪問，對女友不擅揸車及男女同宿等事提出質疑，但就不願評論事件是外判公司還是無綫的責任。他說：「尋日（前日）朝早都冇人指示佢哋返嚟，要我打畀高層逐個去搵，佢哋先正視個問題……我嬲嘅係呢啲事原本可以避免，但佢哋唔去正視呢啲問題，最後就釀成大事。」
文：音樂組 攝：追蹤組