藝人謝婷婷昨日擔任鐘錶活動模特兒，笑言父親謝賢早前把錶底刻有「謝賢」字樣的古董腕錶拿去估價，更由當年的八千元，升值至八十多萬！她笑言：「佢都話『等我走咗，仲名貴啲。不過我仲有十幾年命，不如依家賣咗，畀我使咗啲錢先！』」而問到她曾否送贈名錶予父母？她表示自己尚未有能力，但哥哥謝霆鋒卻時常送贈，更大爆：「哥哥送嗰陣都話『遲早都係我嘅』。哥哥仲送過一個鑲滿鑽石，全世界只得三個嘅打火機畀爸爸。（有冇揀定啲做嫁妝？）爸爸話淨係留咗鮑魚畀我。」
