徐子珊峰騷殭屍等水着晒料
徐子珊以性感騷胸女鬼造型出席劇集宣傳活動，坦言感尷尬，問收視好會否以水着上陣，她笑言黎耀祥、吳卓羲肯穿泳褲的話，她才考慮穿泳裝。另近日張馨予不見手機，緋聞男友吳卓羲坦言不怕有親密照流出。
黎耀祥、徐子珊、吳卓羲等昨日出席台慶劇《法證先鋒III》宣傳活動，此劇收視上周平均收32點，最高收視更有35點。昨日眾演員為慶祝萬聖節扮鬼扮馬上陣，當中以子珊的Sexy女鬼裝扮最搶鏡，不過她卻以殭屍袍左遮右掩，最終要監製梅小青出馬，她才托起手露多一點，拍照時又詐嬌謂︰「搞到人哋鬼咁尷尬！」
叫對手着泳褲
子珊事後受訪表示公司叫她扮sexy女鬼，問她是否收視升會再性感一點，她笑言:「等我keep fit先，劇集宣傳唔慣性感，有啲尷尬。如真係收視好，小小性感都OK！(着泳衣?)咁就睇大圍啦！祥仔、卓羲着泳褲我咪考慮囉！」
此外，有不少網民為吳卓羲於此劇中淪為「大茄」感不值，卓羲坦言多謝觀眾，他說︰「祥仔一定做主打，我哋警察輔助法證！」說到緋聞女友張馨予昨日於微博指不見了手機，有fans即回應表示不知會否有如林峯、潘霜霜的照片流出，對此卓羲坦言︰「唔會！因為冇影過，朋友相一定有，（短訊呢？）普通短訊嚟啫！唔會怕！（會否送手機畀佢做聖誕禮物？）自己買啦！」
祥仔呻唔夠使
另外，黎耀祥對於有指卓羲被指「大茄」一事謂︰「唔係喎！佢開工多過我，我係一發現屍體先到，場口我哋又舒服啲，（你人工又高呢！）我係TVB人工最低嗰個，因為人工低先做咁多兼職，唔係唔夠使！」文:影視組