滕麗名胸湧擊鼓興到冇feel
滕麗名（阿滕）昨日出席宣傳活動時打鼓，之前「豐胸」成功的她落力非常，擊鼓時上圍「胸」湧跌蕩，不過事後她笑言由於太熱，甚麼都感覺不到。而張兆輝與娥姐床戲曝光，張兆輝說兩人拍時搞笑enjoy。
無綫兩劇集《結‧分@謊情式》及《萬凰之王》昨齊舉行記者會，兩劇演員滕麗名、商天娥（娥姐）、張兆輝、林夏薇、陳錦鴻、胡杏兒等出席，齊齊打鼓吶喊助威，望收視同樣氣勢如虹。而之前「豐胸」成功的阿滕打鼓時上圍激盪，落力非常。事後記者問她，她笑言：「真係有郁？（感覺到嗎？）好熱，乜都感覺唔到。」而劇中與她一對的陳奐仁被指「有福」，但他卻講爛gag謂：「我娘子係米倉，米倉『涼子』！」
陳奐仁出「肉」戲
阿滕又爆陳奐仁於劇中有場性感出浴戲，笑他蝕底晒，她說：「通常男演員拍呢啲戲個個都曬黑晒、操到好fit，未見過咁出『肉』，拍完又NG，真係好認真。」陳奐仁又指自己上圍達42B，夾得出事業線，問到二人有否床上戲，阿滕笑指自己會畀錢監製加場給他們。
爆娥姐好嗲老公
至於娥姐、張兆輝這一對於宣傳片中已播出「床戲」，張兆輝說：「咁啱剪到啫，邊有咁多床戲呀！」在旁的娥姐即謂：「我哋第一日開工已去高級酒店開房，睇見都開心。」問張兆輝是否很enjoy，他笑言：「係，你估嗰啲enjoy咩，係大家拍時搞笑enjoy，有啲場口我專登唔畀佢攬，原來佢都好多蠱惑嘢、好幽默。」問張兆輝平時娥姐於老公面前是否很惡，他謂：「唔會，佢含羞答答，又fing頭、又哎呀，你真係未見過。」
文：影視組