林忠豪過「莊」滾搞甄詠珊
莊思敏緋聞男友林忠豪日前高調揸辣跑接伊人收工，但未獲對方確認男友地位，林忠豪見此即轉（界刂）前Freeze成員甄詠珊（Carisa），相約打邊爐，「滾」出面的林忠豪離開時當場斷正，並閃縮走後巷離開，Carisa則借小朋友解圍，尷尬地由前門走人。
林忠豪自與廖碧兒分手後即力追名模莊思敏，除送上熱炒的iPhone4S外，更被本報獨家拍得出動價值五百萬的麥拿侖辣跑接收工，還細心為對方開車門，不過此「行貨」未能打動莊思敏芳心，莊思敏多次以「好朋友」形容兩人關係，慘食檸檬的林忠豪見狀即轉溝前組合Freeze成員甄詠珊。
拖小朋友步出
日前記者發現林忠豪相約Carisa打邊爐，雖然同枱還有多位朋友，但兩人旁若無人儼如情侶般打情罵俏，喁喁細語咬耳仔外，又細聲講大聲笑，男方更主動為Carisa斟茶，相當體貼。當眾人盡興而歸，林與Carisa先步出食店，當發現記者在場，林即撇下「女友」急步避入後巷。問到是否與Carisa約會打邊爐？他三緘其口不停按手機，而尾隨的Carisa卻表現驚青匿大門後面，最後拖實小朋友步出食店，並一個箭步衝上車。
非每日問行蹤
事後，Carisa及林忠豪至截稿前未獲回覆，而莊思敏卻大方回應說：「佢冇同我講約甄詠珊食飯，唔了解佢嘅行蹤。（會唔會問吓林忠豪？）唔會啦，加上我唔係每日問佢行蹤。」
文：音樂組
攝：追蹤組