黃貫中分享結他路
被封做結他達人的黃貫中（Paul），樂於與甄子丹分享他的彈結他經驗，他說：「彈結他就好似打功夫咁，千祈唔好用死力，要用陰力，我鍾意企喺度彈，係用腳板底道力，否則你用手指大力係好攰。」阿Paul表示初練時彈到手指開花，要用冰麻木手指，但這屬旁門左道：「佢係練武之人雖然承受到，但彈唔到好耐。」
玩結他30年的阿Paul形容一雙手好滑嫩，他說：「最初十年就會彈到起『枕』，但之後會退，依家冇晒o架啦。」阿Paul知道甄子丹彈得一手好鋼琴，他說：「我知佢好叻，有音樂根基，學結他應該唔難，（佢好似會唱歌？）咁我就未聽過佢唱，都想聽吓，我引頸以待佢演出。」