Kelly讚子丹 音樂感強實唱得

婚後3年冇拍戲的陳慧琳(Kelly),終復出影壇以100萬日薪片酬接拍賀歲片《八星抱喜》,演員還包括古天樂及吳君如等,不過Kelly卻跟男主角甄子丹沒對手戲。對於子丹為戲中角色練結他彈破指頭,Kelly接受電話訪問說:「佢拍戲好認真好有毅力,值得讚賞。」

由於子丹在電影中要大展歌喉,身為天后的Kelly鼓勵說:「我知佢音樂感好強,係彈琴高手,唱歌實冇問題,雖然佢唔係歌手,但用感情搭夠就OK,最緊要唱出感情。」Kelly還提點子丹要多飲蜜糖水養聲,又讚他是「宇宙最強」有武功底子,一定夠中氣唱歌。

Kelly表示自己月底才開工拍戲,現在家熟讀劇本做足準備,由於3年沒拍戲,心情既興奮又期待。