周柏豪愈射愈有 遭偷桃陰陰痛
周柏豪前日與余文樂以《橫洲工業》球員身份出席比賽，兩位好拍檔為球隊奪得十分，帶領球隊以五十二比三十六勝出。《橫》球球得心應手，相反敵方一直處於劣勢未能取分，因此出盡茅招。
阿樂及柏豪成為對方目標，前者剷籃時遇對方球員批（月爭），多番大叫發洩，而柏豪跳起傳波竟慘遭「偷桃」！雖然柏豪與阿樂被對方多番「釘住」，但兩人表現大方，見敵方球員跌低即主動上前扶對方，但對方不領情，令現場充斥火藥味。
器官健在
比賽後兩人受訪，柏豪承認「小豪」遭攻擊：「Feel到，冇事，當時都唔理咁多。（痛唔痛？）有，始終係一個器官，仲健在，唔使擔心。」問到為何不邀請緋聞女友吳雨霏睇比賽？他說：「我冇刻意叫任何人，我都係喺微博留言，歡迎任何人嚟睇。」阿樂坦言打波一定有身體碰撞，但要合情理：「唔好好似有少少打人咁。（有冇撞傷？）冇事，我之後都唔夠膽衝，避免有任何受傷，最緊要贏波。」
另外，柏豪及糖妹昨日到電台宣傳廣播劇，內容有關《淫褻及不雅物品管制條例》。問到小時候有否看過色情網站？柏豪說：「細個會一班男仔圍埋一齊睇，但大個就覺得好低能。」糖妹則指家中有弟弟，所以不會看。
文：音樂組