莊思敏林忠豪減少飯局
人逢「戀事」精神爽的名模莊思敏，前晚及昨日分別出席活動，昨午她更透出白色內衣褲。莊思敏承認林生「搵密咗」：「總之我知佢係單身。（舊愛係咪廖碧兒？）知都唔講啦。」
莊思敏直認獲林忠豪以價值500萬元的麥拿侖辣跑接送，之前又以名車林寶堅尼接載她，林生愛換靚車追女仔？她笑說：「咁啱啫，佢知我鍾意車。（你係第一個乘客？）咁啱嗰日約食飯，傾慈善步行啲嘢。部辣跑都唔係我名下所以冇feel，不過部車香港未有架！（咁你揀定車未？）冇咁嘅事。」她揚言要減少飯局免對方愈踩愈深，自己工作忙碌，無暇談情。