Jeana峰騷兩勝Phoebe
何佩瑜與許穎前晚出席活動視如陌路。何佩瑜性感到場先贏一仗，還表示與緋聞男友「幾好」相當風騷。相比下密實到場的許穎暗示與男友已經分手，可謂連輸兩局。
o靚模何佩瑜（Jeana）、許穎（Phoebe）、藝人楊愛瑾、沈志明與歌手鄭融、鄭家維，前晚出席電影《喜愛夜蒲》的終極慶功宴。Jeana與Phoebe這對「冤家」雙雙遲到半小時，最終Phoebe遲多一分鐘成功「出位」。台上二人明顯零交流，合照時亦表現生硬。身穿性感上衣的Jeana，解釋因綵排舞台劇才遲到。對於Phoebe密實到場「跌Watt」，Jeana說：「咁我過啲電畀佢囉。」至於與組合Bro5成員La Ying的緋聞，Jeana說：「幾好，仲有聯絡。」
Phoebe撇花心男
身材出眾的Phoebe前晚卻收起「咪咪」，但緊身背心襯托下仍具相當的視覺效果。對於性感風頭被搶，她說：「事業線之前露咗好耐，依家sell shape，觀眾唔會咁膚淺嘅。（Jeana勁過你）無所謂，大家style唔同。（有咩唔同？）我係潮流品牌嘛今日。」
對於遲到一事，她解釋完成工作已飛車趕到，問到是否其男友Michael Poon以林寶堅尼跑車接載，她說：「坐保母車咋。（分手？）好耐無見少接觸，佢有約我但我無應約。（之前攬晒喎）好耐啦，當時發展緊。我鍾意男仔專一，唔鍾意花心。佢對個個女仔都好好，我唔會嘥時間喺花心人身上，我唔係一定要坐名車，其他女仔想坐嘅可以去。」
文：影視組