吉隆坡旋風80小時 鄧麗欣喪食魔鬼魚

鄧麗欣（Stephy）日前到吉隆坡登台，為第一屆魅力型男選舉擔任表演嘉賓，被問到心目中的型男？Stephy笑說：「梗係高大嘅金城武。（小方呢？）OK，可以啦。」逗留八十小時期間，她自爆瘋狂購物及喪食，她笑說：「當地有間英國品牌專門店，我掃咗好多冬裝，用咗成五位數字，塞滿一個新篋。（有冇幫小方置裝？）冇喎，我掛住自己濕平（shopping）。」談到當地的美食，Stephy更是滔滔不絕：「啲嘢好好食，特別係燒魔鬼魚，我食足三日唔停得口。」
早前Stephy只顧埋首工作，難得有機會「濕平」，買到停唔到手。
早前Stephy只顧埋首工作，難得有機會「濕平」，買到停唔到手。

此行Stephy更與老友側田碰面，起行前她得知側田會到當地為演唱會宣傳，兩人即約定在吉隆坡見面敍舊，她說：「我哋好耐冇見面，大家食飯係咁傾，仲緬懷一齊喺金牌時候嘅往事。」

Stephy與側田久未碰面，難得在吉隆坡一聚。
  • Stephy與側田久未碰面，難得在吉隆坡一聚。