福祿壽港版SMAP開騷賀歲
搞笑能手王祖藍、阮兆祥及李思捷在台慶劇《荃加福祿壽探案》繼續施展扮嘢功力，其中一首《蝦子麵》更是唱得街知巷聞，連三歲小孩亦懂得又唱又跳，難怪祖藍笑說：「我打算開個兒童節目，叫《福祿壽傳真機》！」但思捷卻笑稱要諗諗先。談到拍攝趣事，祥仔自爆「疑似」激嬲阿姐汪明荃，因而三天沒有招牌靚湯飲，問到有否查明原因，他賣口乖說：「冇時間查，但一定係我唔啱！可能畀我啲爛Gag激親！」
此外，福祿壽透露明年2月將踏紅館開演唱會，挑戰四面台，更自封是「港版SMAP」，祖藍笑說：「新年冇人敢入紙申請，哈哈！（唔預阿姐？）唔係，佢話冇時間。」對於挖角潮，三子揚言絕對效忠TVB，誓做「香港開心果」，但否認留守是為博攞獎。