胡杏兒踢爆作大：係我送嘅
胡杏兒出席公開場合時，對於緋聞男友黃宗澤指遺失價值十萬元耳環一事來個大踢爆，指該耳環是她所送的生日禮物，根本唔使十萬元咁貴。
黃宗澤早前出席活動時，自爆拍《衝上雲霄II》節目巡禮時遺失了一隻「卡半」價值十萬元的鑽石耳環，坦言感到肉痛。其緋聞女友胡杏兒前晚出席第八屆《香港亞洲電影節2011》開幕典禮的首映時，卻毫不留情來個大踢爆，指他所遺失的耳環沒有「卡半」的分量，亦不值十萬元那麼貴，她說：「都冇（卡半），都唔使十萬咁貴，幾萬咋嘛，不過唔知係咪升咗值。」
尿頻皆因食咗藥
問到胡杏兒該耳環是否她送贈時，她立即語窒並想了一會才開腔說：「係，係我送嘅。（周年紀念？）唔係，好耐之前o架嘞。」其後經追問下她才和盤托出指耳環是送給對方的生日禮物。問到她會否感到生氣，她說：「唔會，咁佢都唔想嘅，呢啲整定嘅，都冇辦法。」對於黃宗澤早前指因滴了眼藥水而出現尿頻，杏兒聽後笑說：「冇啦，之前食咗藥啫。」
小齊青雲難相見
同場的導演杜琪峯對於施政報告作出批評，指推出居屋不及公屋般能解決問題，亦應早前08年推出更有效力。談到政府派發六千元一事，他說：「一塌糊塗，我都冇拎。應該拎晒啲錢去幫老人家或做醫療啦。」另外，演員任賢齊表示電影拍了三年，一心諗住有機會與影帝劉青雲合作，結果大家三年內只見面兩次。
文：影視組