劉青雲飛機求婚 郭藹明焗嫁
影帝劉青雲與太太郭藹明昨日恩愛拖手現身活動，青雲在台上被司儀問到如何向太太求婚？即搞笑地表示：「喺飛機上畀咗兩個選擇佢，一係應承嫁畀我，二係開窗跳落去。」事後問青雲剛才所講係咪真？他笑言：「真真哋啦！」郭藹明在旁笑指自己那刻「走唔甩」惟有答應。二人結婚差不多15年，但青雲就大頭蝦表示不記得紀念日，要太太從旁撒嬌提醒是6月17日。
由於二人甚少夫妻檔現身，問青雲是否不讓太太出來工作？青雲連忙否認：「你哋真係誤會咗我喇！」郭藹明則透露無綫和王維基都曾接觸過她，她坦言：「冇first choice揀邊間，睇番工作。」另外，有傳好友黃子華患抑鬱症暴瘦，青雲笑言：「有見過佢，係有瘦，但冇抑鬱囉，佢專登keep啦！」