Ana R.唔輸蝕自爆有Mr.R
【林淑汶澳門直擊】舊愛周立璟宣布結婚，曾被傷害至深的名模Ana R.坦言已沒有和對方聯絡，但就相信對方已經一改「bad boy」形象才會決定結婚；她又自爆已有新對象出現，並隨時準備再投入戀愛！
前晚「新濠天地Glam Slam 2011時尚盛典」活動隆重舉行，一眾本地名模如Ana R.、Rosemary、陳嘉容、姚予晴及莊思敏等遠赴澳門走秀。其中Ana似有備而來，被問及周立璟結婚一事時表現淡然地說：「其實我同以前啲男朋友都冇聯絡，我同佢女友都唔係好熟。」問她會否認為周立璟是一個理想的結婚對象？她說：「我相信佢決定得結婚，就已經改變佢嘅bad boy形象，如果唔係結婚嚟做乜？（會唔會sms佢恭喜佢？）你哋（指記者）會唔會同舊愛咁做？如果你哋會我都會。」那可會激發她也有結婚衝動？她直言沒有，但目前已有新對象Mr.R，對方是奧地利籍，是一個很好的人，而且擁有很高的個子，笑言已準備再墮愛海。
廖碧兒避莊思敏
至於師妹Jessica C.涉嫌取走櫃員機六百元一事，她就力撐對方並非一個貪心的人：「佢係外國人，唔識得香港法律，呢件事係一個好大嘅誤會，佢都好唔開心，不過發生咗都好，起碼啲人知道咁樣係唔啱，就好似喺街上面執到錢都係當偷一樣。」那可會擔心事件會影響其事業？她即反應甚大：「我覺得今次係一件好小嘅事，有啲人發生仲大件事都可以面對啦，不過我唔開名。」
而同場的莊思敏對於將會與廖碧兒同場出席活動，她就表示沒有所謂，不過據知碧兒已向品牌表示因廣州的錄影活動延遲而未能出席，未知是否避免同場呢！