又見雪飄過

雪紡薄紗向來深受時裝設計師偏愛，並沒有因為它的質料輕薄而有季節差異，雪紡可說是無季節之分的時尚Item，輕薄、飄逸、垂懸的雪紡依然大熱，今年秋冬仍然可以唱「又見『雪』飄過」。

其實只要花點心思搭配，就能賦予雪紡更多的造型變化，既可甜美亦可型格。名模陳嘉容就大讚蔡卓妍的雪紡上衣襯熱褲打扮清爽悅目，而薛凱琪就以黑紗雪紡演繹型格況味。

好靚，好悅目，佢永遠都知道自己着咩好睇，一身打扮感覺好清爽，佢身形夠瘦，線條好修長，又可以騷到佢對長腿，襯對彩藍色高踭鞋係亮點。

「唔靚，好老氣，同埋太暴露，所有Focus去晒個胸度，條裙同對鞋亦都唔襯，冇乜美感。」

進步咗，合格，呢套衫佢着得好好睇，個髮型同化妝都好襯，望落好舒服，好Match佢嘅形象。

幾靚，成個Look都好有型，佢Carry得好好，好Cute，佢嘅髮型同化妝都好Simple，整體感覺好乾淨利落。

冇乜特別，好似街上面普通一個妹妹仔咁，唔夠星味。換條黑色短褲同換對黑色高踭鞋會好好多，型啲Young啲，依家咁襯唔夠時代感，一啲都唔起眼。

條裙好靚，佢都襯得好靚，不過對佢嚟講成熟咗少少，唔啱佢嘅年紀，佢應該Keep番本身嘅青春氣息，着啲少女氣息濃啲嘅衫。

陳嘉容，香港著名模特兒。曾為各大國際品牌行時裝騷，在時裝界打滾多年，在時裝方面無論是理論還是實戰都難不到她。近年更為電視時裝節目擔任主持，化身Stylist教人配襯衣着打扮。