何尚謙靠甜不甩氹女仔
男子組合Square成員何尚謙（James）閒時愛四出搜尋美食，提到筲箕灣東大街，James即直豎拇指大讚：「東大街真係美食天堂，懷舊糖果到特色小食乜都有！」當中「香港第一小食」更是James最愛：「唔好睇佢舖仔細細，呢度有好多唔同種類嘅小食，而且醬料都係秘製，第二度食唔到㗎！如果食得辣嘅人可以挑戰佢個勁辣醬，我自問就搞唔掂，試過一次，真係辣到飛起！」
全港有數百間小食店，單靠秘醬燒汁串燒、勁辣魚蛋，當然不夠讓為食的James鍾情。提到小店的撒手鐧，James就首推炸糉及甜不甩。他說：「炸糉聽落去好似係新食法，但其實係七、八十年代好流行嘅小食，可能做法比較麻煩，一般街邊小食檔都唔會搵得到。」至於甜不甩其實是甜腸粉的化身，味道和口感與日本高級年糕相似，不過價錢平足幾倍。James說：「店員話呢個小食最受女仔歡迎，要嚟氹女仔就啱晒，甜得嚟又唔會太肥，而且仲係全港首創。」
