Jeana收咪三bra防酒客
何佩瑜（Jeana）出席比堅尼騷時錫身地沒有穿上比堅尼亮相，她解釋等明年才以最靚一面示人，因考慮明年隆胸，但擔心「過大」會令身體未能支持兼寒背。
模特兒Jeana偕同徐熙素（Hazel）、王麗嘉（Rika）和何梓菕，前晚打正旗號出席酒吧舉行的比堅尼catwalk騷，四女中唯獨Jeana只谷胸但沒有穿上三點式，她說：「夏天過咗，等下年先畀最靚嘅大家睇。今晚都有三個女仔啦，好抵睇。」
最怕大到寒背
對於將接受隆胸手術，Jeana說過往沒有「整過」都畀人講，如今有客戶以七位數找她做兩年代言人，故一口答應：「我已經做咗日式雙眼皮、瘦臉。隆胸可能要下年先考慮，要完成手頭上電影同舞台劇先，怕影響對手，又怕唔連戲同啲衫唔啱又要改。（想隆到幾大？）咁就要問醫生意見，都要身體支持到，唔想寒晒背。」
為肌男畫彩繪
四位靚女行騷之餘，更在兩名肌肉男身上畫人體繪圖，令現場氣氛高漲。Jeana表示不擔心有人衝上台，她已戴了三個nude bra以防萬一，她說：「呢個場第一次行騷，酒吧始終有潛在危險，都怕啲酒客飲咗酒變得wild。」說到模特兒Jessica C.涉偷六百元一事，Jeana說：「可能外國模特兒嚟香港工作，對香港法律唔清楚，唔知啲錢會食番入部機度，係可以體諒，我覺得佢為人好友善。如果我遇到呢個情況，我會追番出去囉。」
文：影視組