李嘉欣怕教出「港童」寧做壞媽媽

婚後仍不忘工作的「大美人」李嘉欣，前晚穿上黃色連身裙出席遊艇活動。問到會否着老公許晉亨為兒子Jayden訂造遊艇？她說：「可以考慮，因為個仔都鍾意玩水。（叫亨亨送埋畀自己？）送畀屋企啦，可以一齊去玩嘛！」至於會否以兒子的名字命名遊艇，她為怕寵壞兒子而斷言拒絕：「唔會喇！依家教仔重任落咗喺我度，我要做壞人角色，因為老公見到個仔就『融化』，做唔到嚴父！」並揚言小Jayden絕不會變「港童」。

扭計唔會心軟

母愛氾濫的嘉欣表示，每天均會陪兒子看書，並笑言8個月大的Jayden十足「蛀書蟲」：「佢好鍾意揭書，如果玩具同書本分開擺，佢一定會爬去書堆度！」並指已訂下規矩免寵壞兒子：「我唔會任佢扭計。（老爺奶奶會唔會縱？）佢哋一星期先見得一、兩次。（老人家多數鬆手啲。）佢個仔（指許晉亨）都聽我講，有乜理由個孫唔聽。」談到會否讓寶貝仔參加Play Group，她略帶猶豫，指朋友的BB因此染上傳染病入院：「冇嘢緊要得過健康，嗰幾千個生字遲早都識。」

信黎明冇婚變

此外，對於好友黎明與樂基兒傳婚變，嘉欣說：「傳聞99％係假！（打畀佢？）冇，幾個月冇見過佢哋，不過佢兩公婆感情應該好好，因為見親面都會帶埋另一半。」

文：影視組