諸葛紫岐：佢係受害者！
近日被捲入盜竊案的「警鐘胸」混血模Jessica C.（JC），雖避走台灣開工，但一批疑似JC的淫褻片段竟被兜售，內容令人咋舌。雖然JC還在「潛水」中未有交代是否「女主角」，但已令全城嘩然，名模馬詩慧認為拍淫照是病態，莊思敏看過有關相片更一口咬定：「好明顯係JC啦！」
前日有人在坊間兜售一批疑似JC的淫褻照片及片段，當中涉及不少性愛動作，到底該批相片及片段的女主角是否JC本人還有待證實。該位兜售人士更自稱該批相片及片段是兩年前所拍下，當中的男主角並非JC剛分手的舊愛Sergio。
「真係好shock」
疑似JC淫照曝光事件令全城嘩然，曾與JC合作的諸葛紫岐亦大感震驚：「真係好shock！佢啱啱先被牽涉偷竊，真係一波未平一波又起！無論件事係真定假，佢都係受害者。一個女仔發生呢啲嘢，一定係好大打擊，仲要佢係公眾人物，更加係一個打擊。」
陳法拉昨日出席活動時表示未看有關報道，又笑言「夠惡」故未曾有男友提出「拍片」要求：「入行後都唔係咁鍾意影相，依家科技太發達，影咗最尾都唔知會去咗邊，呢個圈又多呢啲事，我會好警惕。」
開價70萬兜售
據知，有人以70萬元兜售該批疑似JC的淫褻照片及片段，JC所屬的模特兒公司Model One經理人Christine，表示對事件感無奈，並稱未直接聯絡上JC：「我嗰邊有同事，會翻譯畀佢知內容，等佢知道有幾嚴重。現階段我不作任何評論，無論件事係真係假，佢都係受害人。」
文：名人組