Tom娶妻蔡穎恩話嚟唔嚟

樂隊Mr.鼓手Tom（杜志烜）跟「陽光妹」何思諺（Leanne）昨晚奉子成婚，新人應邀連咀兩次，Leanne更踢爆老公在婚禮上眼濕濕，早前舊愛Evelyn曾揚言會出席婚禮，最後卻臨時甩底！

Mr.鼓手Tom跟Leanne昨晚拉埋天窗，在跑馬地足球會筵開二十席，Mr.其他成員及Tom的胞弟Desmond等擔任兄弟團，而o靚模陳嘉寶及「翻版法拉」李思汝等則任姊妹團。

感動眼濕濕

一對新人穿着婚紗禮服接受訪問，更應記者要求咀嘴兩次，非常甜蜜，問到兩人有否感動落淚？Leanne踢爆老公說：「佢有眼濕濕。」Tom說婚禮已籌備數月，所以不禁眼濕濕。Tom的舊愛Evelyn（蔡穎恩）之前曾揚言會出席婚禮送上祝福，最後卻沒有現身，他們解釋說：「有請佢，不過佢有工作在身，所以嚟唔到，但有SMS恭喜我哋！」而Evelyn經理人回應她身處外地工作。