瑪姬玩鬼屋嚇到飛甩con
新城電台DJ瑪姬日前趁工作空檔到海洋公園「哈佬喂」活動，跟DJ好友路芙、亞視藝員吳嘉星等一齊勇闖鬼屋，她表示：「其實每年都會去玩，我自己好怕黑又怕鬼，不過總係好鍾意成班朋友約埋一齊入去被人嚇，哈哈！」
瑪姬表示初初入到去見到周圍都係鬼，本來都好興奮，周圍搵「鬼」合照，後來真正要挑戰鬼屋，就嚇到三魂唔見七魄，她說：「梗係嗌到癲咗啦！有個鬼屋係逼住要你同班朋友分開行，一人揀一條滑梯，黑麻麻乜都睇唔到真係幾驚，啲風又大，搞到我連副隱形眼鏡都飛甩埋！」瑪姬笑言她有五百幾度近視，實在睇不清前面環境，她說：「後尾啲鬼走過嚟嚇我，我都求佢哋話：『唔好再嚇我喇，我睇你哋唔到呀！』」