「四洲太子女」戴凱欣前晚出席Rosamosario時裝活動時，透露自己公司會搞40周年活動，而十二月會有迷你演唱會，屆時會邀請過往的代言人出席：「張敬軒、任賢齊同劉子千，一齊嚟玩下囉！（乜劉子千係代言人咩？）嚟緊會搵佢囉！」
對現在潮流興閃婚，問她會否效法時？她表示自己已拍了四年拖，笑說：「點會閃婚，不過都希望兩年內結婚。（求婚未？）未呀！（係咪求婚即答應？）諗吓先！」
