劉瑋欣靠實力「打」出前途
冬甩成員劉瑋欣（Vilian）將與同門組成打碟組合，天生節奏感強又常到夜場的她直言部分打碟o靚模連基本功都未掂，有呃錢之嫌，希望自己憑真材實料在打碟界跑出。
近來o靚模界掀起打碟熱潮，冬甩成員劉瑋欣（Vilian）終決定加入戰團。天生愛唱歌的她節奏感強烈，實在是打碟的好材料，而且原來她亦是「蒲精」一名：「我一星期都會落一、兩次夜店，同成班朋友一齊跟住音樂跳舞，同埋留意吓嗰排流行乜嘢歌曲，不過我就好少飲醉。」
稍後，她將跟同公司其他o靚模包括胡心諾（Rainbow）、曾寶玲（Ar Yu）及何綽菲（Alina）組成打碟組合「音樂女生」，除了在香港打碟，亦會強攻內地及澳門市場。
性感有商量
對於香港有大量o靚模轉攻打碟，Vilian直言不怕競爭，最緊要自己真材實料：「我真係有好努力咁去學，有啲o靚模基本功都未搞掂就出嚟打碟，有啲仲話自己『無師自通』，我聽完都覺得好笑！佢哋真係欠缺誠意，擺明呃錢！」
她希望最終以實力跑出，講到打碟戰衣，她並不介意適量性感，到時視乎客戶要求：「如果係泳池派對，無理由仲着到密密實實，梗係以泳衣上陣！」
劉瑋欣Profile
年齡：24歲 三圍：32B、23、34
身高：1米65
簡介：曾推出寫真集《夏之盛放》及《Summer diary夏之日記》，並參與多個亞視娛樂和遊戲節目
文：專案組
攝：吳文聰
服裝：ROXY