Rika寸Jeana靠升胸谷自信

蘇志威、鍾舒漫及跳舞組合OctoBeez成員王麗嘉（Rika）、余曉彤（Hidy）昨日出席《第三屆香港舞動馬拉松》記招，Rika谷胸上陣，以三點式打底透視性感，而Hidy則出動玉背搶風頭。

提到同門的Jeana高調表示有意「裝胸作勢」，Hidy亦有留意報道，並表示她喜歡的就冇所謂，Rika更指Jeana升Cup可增強自信。問到她是否暗指對方冇自信，她說:「佢自己講過會開心啲嘛，而且佢係行性感路線。」

Rika（右）暗寸Jeana冇自信才考慮升Cup。

蘇志威（左）近日教細女跳《忘情森巴舞》。

蘇志威教細女跳舞

至於同樣以性感行先的OctoBeez會否效法？曾被指整容的Hidy說：「我哋係型加性感，太大唔方便，我驚跳舞嗰陣會仆親，（整其他地方？）冇諗過，鍾意天然啲，依家都好滿意，有時有缺陷美都OK。」

跳舞組合班霸草蜢成員蘇志威為活動擔任顧問，他透露有朋友學跳3個月，減了20磅，細女亦有興趣，前幾日就教她跳《忘情森巴舞》。仍跟TVB有合約的他，指有否加薪與合約類型要問經理人林珊珊，他笑言：「應該唔係藝員約啩，（想再拍TVB劇？）時間難就，嚟緊都有大project。」

文：音樂組