黃德斌「上位」矇查查

林保怡已離開無綫，但有指無綫曾找他參與明年開拍的劇集《金枝慾孽》第二輯，保怡因開出二十萬一集而嚇窒無綫因而被飛，監製戚其義更將戲份加重給黃德斌，對此記者致電德斌，他坦言就連自己有份拍都未知，監製都沒有找他傾談，他坦言：「係就梗係開心啦！不過其實呢套劇係要求整體效果，唔係靠一、兩個演員，大家不嬲都係話《金枝慾孽》好睇，唔會特別話淨係睇一個演員囉！」無綫小生買少見少，問他會否有感「上位」？他坦言︰「都做咗咁多年，唔係睇呢啲嘢，況且我只係一個演員，好被動，點樣定位係由公司決定。」