周永恒被炒事件 樂易玲另揭版本
在無綫擔任音樂製作學徒的前歌手周永恒（Roy）於5月被解僱，有報道指他向高層樂易玲舉報其愛將音樂總監鄧智偉用朋友名義開錄音室，將無綫的Project交錄音室做，令帳目混亂，結果Roy卻被炒收場。
本報向Roy求證，他承認被無綫終止合約：「自己以前犯過法，擔心用無綫員工身份喺錄音室做有問題嘅Project會上身，所以問樂小姐得唔得？樂小姐反問我有乜問題，叫我唔好搞咁多嘢。」Roy謂曾有朋友提議他向廉署舉報，但自己覺得做人唔好去到咁盡，才不了了之，怎知後來收到警告信話公司不滿他的表現，叫他聯絡上司鄧智偉，Roy說：「但佢冇聽我電話，之後人事部話我同上司溝通唔到終止合約，好在依家幫政府做教材音樂，收入好好經濟冇問題。」
「我冇包庇鄧智偉」
不過，樂易玲卻說出另一版本：「去年尾落Order派主題曲上台，點知DJ催歌，鄧智偉話搵咗Roy派歌但佢冇做，自己召見Roy，佢仲以為我簽佢經理人，佢話想做歌手，仲投訴鄧智偉有私人錄音室，問佢有冇證據又話冇，鄧智偉話冇咁嘅事，我搵咗藝員行政部調查，單據冇問題，還鄧智偉清白，我冇包庇佢，所有嘢都向陳志雲同人事部報告。」
至於鄧智偉指當年請Roy入無綫做學徒，要上電台派歌，但Roy冇做，故交人事部處理，他強調自己冇錄音室，譴責報道失實，會諮詢法律意見。