陳嘉寶失千元冇報警
「邦民女」陳嘉寶（Anjaylia）昨日出席電腦軟件活動時，問到有關JC涉盜竊案一事，她力撐JC人品好有禮貌，相信對方只是一時不小心：「希望快啲查清楚，不過應該都會有專業人士幫佢。」她大爆自己很粗心大意，不時遺失物品或跌錢，又曾於提款時被偷錢：「試過一千蚊，嗰陣我跌咗銀包，執番起佢之後，錢已經畀人拎咗。（有冇報警？）冇，佢都走咗，我又唔知有閉路電視。」
至於居於將軍澳的Anjaylia坦言，曾擔心斬人狂徒肆虐，故邀請男、女朋友陪返家，她說：「之前試過喺啲僻靜地方畀『夜青』撩，好彩個朋友扯我走先冇事！」