李詩韻日前為護膚產品拍攝新一輯廣告，她坦言遺傳了母親的敏感皮膚，之前拍《拳王》一場落水戲，拍完雙腳長了百幾粒紅點，非常駭人：「同我一齊落水嘅鄭嘉穎就只有幾粒，佢仲話我好核突，叫我唔好傳染佢添！」開設了化妝學校的她特別注重外表儀容，出街都會盡量化妝。
下月詩韻將請假到曼谷、澳洲等地為好友的婚禮擔任姊妹或是幫手籌備，但她並不恨嫁：「之前見到曹敏莉、朱凱婷生BB都有啲想，但愈恨就愈冇，始終揀終身伴侶要揀好啲，我唔急。」
